Bjarki Már Ólafsson einn færasti knattspyrnurýnir landsins birti í dag áhugaverð myndskeið þar sem hann greinir vítaspyrnur Árna Vilhjálmssonar og Pálma Rafns Pálmasonar frá því í gær.
Árni klikkaði á vítaspyrnu í tapi Breiðabliks gegn FH, hefðu Blikar náð jafntefli væri liðið á toppi deildarinnar fyrir síðustu umferðina. Pálmi klikkaði á vítaspyrnu fyrir KR gegn Víkingi í uppbótartíma, Pálmi hefði jafnað leikinn og komið KR í góðu stöðu um Evrópusæti. Ofan á það hefði mark Pálma orðið til þess að Breiðablik væri á toppnum.
Árni hefur verið öruggur á vítapunktinum í sumar en í gær virðist stressið hafa gert vart við sig. „Þegar við rýnum í viðbragðstíma Árna frá því að dómarinn flautar vítið á og aðhlaup hefst má sjá nokkuð sem rýmar við kenningar Geir Jordet um pressuna sem fylgir því að taka víti (hann greinir vissulega víti í vítakeppnum,“ skrifar Bjark og birtir tíma yfir hvernig Árni hefur tekið spyrnur í sumar.
Víti Árna í sumar eru 6:
– Valur í 12. umferð. Viðbragðstími: 1,52 sek
– FH í 13. – 1,32 sek
– Aberdeen í UCL – 1,20 sek
– ÍA í 17. – 1,48 sek
– Valur í 20. – 0,92 sek
– FH í 21. – 0,76 sek
„Pressan í síðustu tveimur vítunum gríðarleg og viðbragðstíminn minnkar eftir því. Þegar allt er undir – Þá borgar sig að draga inn andann djúpt, og fara af stað eftir að þú andar út.. Sem gerist ekki eftir 0,76 sekúndur,“ skrifar Bjarki.
„Árni sagðist ekki finna fyrir pressu í viðtali við fotbolta.net eftir Valsleikinn. Sem ég dreg í efa..,“ segir Bjarki einnig.
Hann birtir svo myndskeið af vítum Árna.
Meira um víti..
Árni er frábær vítaskytta, ekki klúðrað víti síðan árið 2013.
Rútínan alltaf sú sama – Hendur á mjaðmir, augun á dómarann, fyrsta skref – vinstri fótur niður, fjögur skref fram – innnanfótar skot.Þráður.. pic.twitter.com/bNkbv46re0
— Bjarki Már Ólafsson (@bjarkiolafs) September 20, 2021
Pálmi Rafn Pálmason:
Pálmi Rafn hefur hingað til verið öruggt skytta en hann velur sér alltaf sama hornið. „Hvert ætli Pálmi setji hann? Síðustu 7 víti gætu gefið hugmynd um það,“ skrifar Bjarki og birtir myndskeið.
Hvert ætli Pálmi setji hann? Síðustu 7 víti gætu gefið hugmynd um það 🤔 pic.twitter.com/4U8ICQ8v0L
— Bjarki Már Ólafsson (@bjarkiolafs) September 20, 2021