Víkingur Reykjavík er kominn í undanúrslit Mjólkurbikars karla eftir sigur á Fylki í framlengdum leik í undanúrslitum í kvöld. Leikið var í Árbæ.
Markalaust var eftir venjulegan leiktíma. Orri Hrafn Kjartansson getur nagað sig í handabökin yfir því að hafa brennt af vítaspyrnu snemma í seinni hálfleik.
Á fyrstu mínútu framlengingarinnar varð Orri Sveinn Stefánsson, leikmaður Fylkis, fyrir því óláni að setja boltann í eigið net eftir fyrirgjöf frá Adam Ægi Pálssyni.
Þetta reyndist eina mark leiksins. Lokatölur 0-1.
Víkingar eru því komnir í undanúrslit ásamt Vestra, ÍA og Keflavík.
Víkingur varð bikarmeistari árið 2019. Í fyrra var keppnin ekki kláruð. Félagið er því í raun enn bikarmeistari. Víkingar geta varið titilinn í haust.
