Cristiano Ronaldo hélt ræðu fyrir liðsfélaga sína í Manchester United á föstudag, hann krafðist þess að þeir myndu fórna öllu.

Ensk blöð fjalla um málið en þar segir að Ronaldo hafi kveikt vel í liðsfélögum sínum með ræðunni fyrir leikinn gegn Newcastle. Ronaldo skoraði tvö í endurkomu sinni í 4-1 sigri.

Fyrir leikinn ræddi Ronaldo um endurkomu sína, hann tjáði leikmönnum að hann væri ekki bara mættur til að vinna titla heldur til að skilja eftir sig arfleið. Hann ætlar að skilja eftir sig hugarfar sigurvegarans í ungum leikmönnum félagsins.

„Ræða Ronaldo kveikti í mönnum, það hlustuðu allir. Bæði þjálfarar og leikmenn,“ segir heimildarmaður enskra blaða.

„Hann sagðist vera mættur aftur til United og ástæðurnar væru tvær. Hann sagðist elska félagið í fyrsta lagi, hin ástæðan var sú að hann sagðist elskar hugarfar sigurvegarans sem ætti að vera í herbúðum United´,“ er haft eftir Ronaldo.

„´Ég er ekki mættur til að vera klappstýra, ef þið viljið ná árangri þá verðið þið að elska félagið. Þið verðið að borða, sofa og berjast fyrir þetta félag. Hvort sem þú spilar eða spilar ekki, þú þarft að styðja liðsfélaga sína og alltaf gefa 100 prósent´,“ á Ronaldo einnig að hafa sagt.

„´Ég er hér til að vinna og ekkert annað, að sigra veitir okkur gleði. Ég vil vera glaður en þið?´.“

Enski boltinn á 433 er í boði