Stjarnan tók á móti FH á Samsungvellinum í Pepsi Max deild karla. Leiknum lauk með öruggum 4-0 sigri FH.
Baldur Logi Guðlaugsson kom FH yfir á 19. mínútu leiksins og Matthías Vilhjálmsson tvöfaldaði forystu gestanna tæpum stundarfjórðungi síðar. Stuttu síðar fékk Eggert Aron Guðmundsson að líta beint rautt spjald fyrir glæfralega tæklingu.
Gunnar Nielsen fékk einnig beint rautt spjald fyrir brot þegar rúmlega tíu mínútur voru liðnar af seinni hálfleik og því var aftur jafnt í liðum. Jónatan Ingi Jónsson skoraði svo þriðja mark FH á 65. mínútu og Matthías Vilhjálmsson gulltrygði sigurinn með fjórða markinu undir lok leiks.
Stjarnan 0 – 4 FH
0-1 Baldur Logi Guðlaugsson (´19)
0-2 Matthías Vilhjálmsson (´35)
0-3 Jónatan Ingi Jónsson (´65)
0-4 Matthías Vilhjálmsson (´82)
Eggert Aron Guðmundsson, rautt spjald (´40)
Gunnar Nielsen, rautt spjald (´56)
