ÍBV heimsótti Kórdrengi í stórleik Lengjudeildarinnar. Eyjamenn fóru með mjög mikilvægan sigur af hólmi en liðið er með sjö stiga forskot á Kórdrengi sem sitja í þriðja sætinu en Kórdrengir eiga leik til góða. Leikurinn fór fram á Domusnova vellinum í Efra-Breiðholti.
Fyrri hálfleikur var fremur lokaður. Markalaust var eftir hann. Á 54. mínútu kom Sito gestunum yfir. Það reyndist eina mark leiksins.
Farið verður yfir leikinn og aðra leiki í Lengjudeildinni í markaþætti á Hringbraut annaðkvöld, klukkan 20:00
Skömmu síðar vildu Kórdrengir fá vítaspyrnu og mögulegt rautt spjald á Haldór Pál Geirsson markvörð Eyjamanna. Halldór fór út í boltann og kýldi í boltann en einnig í Davíð Þór Ásbjörnsson leikmann Kórdrengja. Bera þurfti Davíð af velli og var hann allur í blóði.
Ekkert var dæmt og var einn af starfsliði Kórdrengja rekinn af velli fyrir að mótmæla því að ekki hefði verið dæmd vítaspyrna.
Atvikið er hér að neðan.
„Staðan á honum er ekki góð. Hann var alblóðugur í framan og þetta lítur alls ekki nægilega vel út,“ sagði Davíð Smári Lamude þjálfari Kórdrengja við Fótbolta.net í gær.
„Ég set svakalegt spurningarmerki við það hvort Davíð sé að gjalda fyrir það að hafa verið brotlegur í nákvæmlega eins atriði í síðasta leik. Þetta leit þannig út fyrir mér að hann hafi verið kýldur í andlitið og það er bara víti
Farið verður yfir leikinn og aðra leiki í Lengjudeildinni í markaþætti á Hringbraut annaðkvöld, klukkan 20:00
Sigurmark ÍBV í leiknum má svo sjá hér að neðan.