Selfoss vann sterkan heimasigur gegn Grindavík í Lengjudeild karla í kvöld. Leikurinn var liður í 16. umferð.
Gary Martin kom heimamönnum yfir strax á 5. mínútu. Hann tvöfaldaði forystu liðsins svo hálftíma síðar.
Staðan í hálfleik var 2-0.
Þegar 20 mínútur lifðu leiks fengu gestirnir vítaspyrnu. Sigurður Bjartur Hallsson fór á punktinn og skoraði. Hann jafnaði leikinn svo fyrir Grindvíkinga með marki á 88. mínútu.
Sagan var þó ekki öll sögð þarna þar sem Þór Llorens Þórðarson gerði sigurmark Selfyssinga í blálokin. Lokatölur 3-2.
Selfoss er í tíunda sæti deildarinnar með 15 stig. Liðið er 5 stigum fyrir ofan fallsæti en Þróttur Reykjavík, sem er þar, á þó leik til góða.
Það hefur ekkert gengið hjá Grindavík undanfarið. Liðið er í sjöunda sæti með 20 stig.