Japaninn Takumi Minamino skoraði frábært mark fyrir Liverpool í æfingaleik gegn Hertha Berlin í kvöld. Hertha Berlin vann leikinn 4-3 en þeir Santiago Ascacibar, Suat Serdar og Stevan Jovetic skoruðu fyrir lið Hertha Berlin. Sadio Mané, Minamino og Oxlade-Chamberlain skoruðu fyrir Liverpool.
Minamino jafnaði metin í 2-2 á 43. mínútu eftir að Naby Keita vann boltann á miðsvæðinu og gaf á Mo Salah sem gaf frábæra hælsendingu á Minamino sem afgreiddi boltann örugglega í netið.
Þeir Joe Gomez og Virgil van Dijk komu saman inn á fyrir Liverpool á 69. mínútu en miðverðirnir hafa verið lengi frá vegna meiðsla. Þeim tókst ekki að koma í veg fyrir fjórða mark Hertha Berlin í leiknum en stuðningsmenn Liverpool verða fegnir að sjá turnana tvo aftur í liðinu.
Mark Minamino má sjá hér að neðan.
The tackle and pass from Naby 🤩
The backheel from Mo 😱
The finish from Taki 🔥A lovely team move from the Reds tonight 🙌⚽ pic.twitter.com/QEFUbYgvfQ
— Liverpool FC (@LFC) July 29, 2021
