Samkvæmt frétt Sky Sports mun Paris Saint-Germain færa áhuga sinn á Paul Pogba, miðjumanni Manchester United, upp á næsta stig á komandi dögum.
Samningur hins 28 ára gamla Pogba hjá Man Utd rennur út eftir eitt ár. Það virðist ólíklegra með hverjum deginum að hann skrifi undir nýjan. Enska félagið gæti því neyðst til að selja hann í stað þess að missa hann frítt næsta sumar.
PSG hefur verið virkilega virkt á félagaskiptamarkaðnum í sumar. Liðið hefur fengið menn á borð við Sergio Ramos, Gianluigi Donnarumma, Gini Wijnaldum og Achraf Hakimi til liðs við sig.
Það er ljóst að Pogba myndi styrkja þetta ógnarsterka lið enn frekar. Hjá PSG vilja menn fá Meistaradeildartitilinn í hús.