Arsenal hefur ekki gefið upp vonina á því að fá Norðmanninn Martin Ödegaard frá Real Madrid í sumar. Þá horfir félagið einnig til James Maddison, leikmanns Leicester City. Football.london fjallar um þetta.
Hinn 22 ára gamli Ödegaard var á láni hjá Arsenal seinni hluta síðustu leiktíðar og stóð sig vel.
Talið er að Norðmaðurinn vilji sanna sig hjá Real á næstu leiktíð. Að sama skapi útilokar hann ekki að snúa aftur á Emirates-leikvanginn.
Arsenal horfir einnig til hins 24 ára gamla Maddison. Hann myndi þó kosta félagið um 60 milljónir punda.
Það er ólíklegt að Arsenal hafi burði til þess að reiða fram slíka fjárhæð fyrir leikmanninn áður en þeir selja sjálfir leikmenn.
Sama hvernig gengur hjá Skyttunum að sækja þessa leikmenn þá er nokkuð ljóst að liðið er í leit að sóknarsinnuðum miðjumanni.
