Ung kona að nafni Chelsea Parode birti í kvöld skilaboð á Instagram-síðu sinni þar sem hún vísar á bug slúðursögum um að hún sé einstaklingurinn sem tengist rannsókn á knattspyrnumanninum Gylfa Sigurðssyni.
Hún tekur fram að hún þekki ekki einu sinni Gylfa og að hún hafi aldrei talað við hann. Þá segist hún hafa orðið fyrir mikilli áreitni vegna þessara slúðursagna.
Skilaboð hennar eru eftirfarandi:
„Til allra sem eru að senda mér skilaboð á samfélagsmiðlum. Nú er orðrómur í gangi um að ég sé stelpan sem sé tengd rannsókn á fótboltamanninum Gylfa Sigurðssyni. Ég vil taka skýrt fram að ég er ekki stelpan sem tengist rannsókninni og allar slúðursögur sem benda til þess eru hreinn og klár uppspuni. Ég þekki ekki einu sinni þennan fótboltamann, hef ekki einu sinni talað við hann.
Ég myndi kunna að meta ef fólk myndi lesa þessi skilaboð mín, til þess að koma í veg fyrir að ég verði fyrir hræðilegri áreitni sem ég er upplifi vegna þessa orðróms. Takk fyrir.“
Líkt og alþjóð veit er Gylfi Þór grunaður um kynferðisbrot gagnvart einstaklingi undir lögaldri. Málið hefur meðal annars orðið til þess að félag hans, Everton, leysti hann frá störfum.
Hann hefur verið handtekinn og yfirheyrður vegna málsins, en er ekki í haldi lögreglu. Þá hafa breskir fjölmiðlar fullyrt að Gylfi harðneiti ásökunum sér á hendur.
View this post on Instagram