A landslið karla er komið Póllands þar sem liðið mætir Pólverjum í vináttuleik í Poznan í dag. Leikurinn verður í beinni útsendingu á RÚV og hefst kl. 16:00 að íslenskum tíma.

Um er að ræða síðasta vináttuleikinn í þriggja leikja seríu íslenska liðsins, sem mætti Mexíkó í Dallas, Texas, aðfaranótt 30. maí, ferðaðist svo til Íslands og æfði í nokkra daga áður en haldið var til Færeyja og leikið við heimamenn 4. júní, og nú er komið að leiknum við Pólland 8. júní. Það er óhætt að segja að leikmenn og starfsfólk íslenska liðsins hafi verið á faraldsfæti.

Ísland og Pólland hafa mæst 6 sinnum í A landsliðum karla. Fimm sinnum hafa Pólverjar fagnað sigri, en einu sinni var niðurstaðan jafntefli og var það í vináttuleik á Laugardalsvelli árið 2001. Andri Sigþórsson skoraði mark íslenska liðsins seint í leiknum. Arnar Þór Viðarsson sem er nú við stjórnvölinn hjá A landsliði karla var í íslenska liðinu í þeim leik.

„Spurningin er hvort við getum náð blöndu af góðri frammistöðu og góðum úrslitum,“ segir Eiður Smári Guðjohnsen aðstoðarþjálfari KSí.
„Það eru allir klárir. Það er nokkuð létt yfir okkur. Það fer vel um okkur hérna, leikurinn verður spilaður við frábærar aðstæður á frábærum velli.“

"Við ætlum ekki að koma í þennan leik sem æfingafélagar". Eiður Smári Guðjohnsen aðstoðarþjálfari A landsliðs karla í viðtali fyrir vináttuleikinn við Pólland. Leikurinn hefst kl. 16:00 að íslenskum tíma og er í beinni á RÚV. pic.twitter.com/yFwHIcboFb

— Knattspyrnusambandið (@footballiceland) June 8, 2021