Manchester United hefur ekki hafið formlegar viðræður við Boussia Dortmund um kaup á Jadon Sancho. Þýskir miðlar segja frá.
Háværar sögusagnir eru um það að United muni láta til skara skríða í sumar en viðræður á milli félaganna hafa ekki hafist með formlegum hætti.
United reyndi allt síðasta sumar að klófesta Sancho en það bar engan árangur.
Nú er talið að Dortmund sé búið að lækka verðmiða sinn um tæpar 30 milljónir punda. Líklega mun ekkert gerast í málunum nú þegar Evrópumótið er að hefjast.
Sancho er enskur kantmaður og er nú á leið inn í Evrópumótið þar sem hann gæti fengið stóra rullu.