Roy Keane fyrrum fyrirliði Manchester United var harður í horn að taka á ITV í gær þegar hann ræddi um Masoun Mount og Ben Chilwell leikmenn enska landsliðsins sem nú eru í sóttkví.
Leikmennirnir tveir voru sendir í sóttkví út vikuna eftir að hafa spjallað við Billy Gilmour eftir leik Englands og Skotlands um síðustu helgi.
Leikmennirnir eru allir samherjar hjá Chelsea en Gilmour greindist með COVID-19 veiruna á mánudag. „Það eina sem ég vil gagnrýna er að hverju ertu að tala við andstæðing þinn í 20 mínútur,“ sagði Keane.
„Mér er alveg sama þó þetta sé liðsfélagi eða ekki, í meira en 20 mínútur? Ég tala yfirleitt ekki við neinn í meira en fimm mínútur. Eftir leik þar sem það var stríð, af hverju nennir þú að tala við einhvern svona lengi“
„Þeir hefðu getað verið ögn skynsamari, ég nenni yfirleitt ekki að tala við neinn í meira en fimm mínútur.“
Mark Pougatch stjórnandi þáttarins sagði þá. „Ég vona að eiginkona þín fái nú meira en fimm mínútur.“
Keane var fljótur til svars. „Nei, aldrei,“ sagði Keane og uppskar hlátur á meðal þeirra sem voru með honum í þættinum en hann brosti ekki og var fúlasta alvara.