Patrik Schick, stjarna tékkneska landsliðsins, ætlaði sér að hætta í fótbolta til að verða fyrirsæta þegar hann var unglingur.
Þessi 25 ára gamli leikmaður Bayer Leverkusen í Þýskalandi stal fyrirsögnunum í síðustu viku þegar hann skoraði frábært mark frá miðjum vellinum gegn Skotlandi á EM 2020.
Þegar hann var unglingur og lék með Sparta Prag í heimalandinu vildi hann þó hætta í fótbolta til að gerast fyrirsæta. Ekkert varð þó úr því.
Systir Schick, Kristyna, sér þó um fyrirsætuferilinn fyrir hönd fjölskyldunnar. Hún fetaði veginn sem leikmaðurinn fór ekki.
Schick þarf þó ekki að sjá eftir því að hafa valið fótboltann fram yfir fyrirsætustörfin. Hann hefur leikið fyrir Sampdoria, Roma og RB Leipzig, ásamt auðvitað Leverkusen.
