Vandræði HK í Pepsi Max-deild karla voru til umræðu í Dr. Football í gærkvöldi. Lítið hefur gengið upp hjá liðinu á þessari leiktíð.

HK er í ellefta sæti, fallsæti, með aðeins 6 stig eftir níu leiki. Kristján Óli Sigurðsson sagði í þætti Dr. Football að staðan væri alvarleg en Brynjar Björn Gunnarsson, þjálfari liðsins, þyrfti þó ekki að óttast um starf sitt.

,,Hann var að fá framlenginu um einhver nokkur ár um daginn held ég, í vor. Þannig við skulum slaka alveg á. Staðan er grafalvarleg og það þarf ekkert mikið að gerast til þess að þetta verði bara barátta fram í síðasta leik hjá þeim,“ sagði Kristján um stöðu þjálfarans.

HK hefur verið samfleytt í efstu deild síðan 2019. Arnar Sveinn Geirsson, sem einnig var í þættinum, segir liðið verra nú en síðustu tímabil.

,,Það sem mér finnst alvarlegast í þessu er að mér finnst deildin slakari núna en hún hefur verið, fleiri slök lið. Hann er í hópnum þar. Hann var ekki þar síðustu tvö ár. Hann er þar núna. Það er alvarlegt. Þeir eru ekki að taka eitt skref til baka. Þeir eru að taka mörk skref til baka.“ 

Smelltu hér til að hlusta á þátt Dr. Football frá því í gær.