Manchester United er tilbúið að gera Paul Pogba að launahæsta leikmanni ensku úrvalsdeildarinnar. Ensk blöð segja að honum standi til boða að fá 400 þúsund pund á viku.
Pogba sem er 28 ára og á aðeins ár eftir af samningi sínum við United, framlengi hann ekki í sumar er hætt við því að hann fari frítt.
Forráðamenn United óttast það versta en vilja gera allt sem í þeirra valdi stendur til að halda í franska miðjumanninn.
Ljóst er að samningurinn sem United er tilbúið að bjóða Pogba gæti heillað, önnur félög gætu verið í vandræðum með að bjóða honum svipuð laun.
David De Gea er launahæsti leikmaður United í dag með 375 þúsund pund á viku en Pogba getur orðið sá launahæsti taki hann tilboðinu.
Enski boltinn á 433 er í boði 
