Allir ensku klúbbarnir sem höfðu samþykkt að ganga í Ofurdeildina frægu hafa ekki ennþá formlega yfirgefið keppnina. Skipuleggjendur ætla að endurreisa deildina.
Manchester City, Manchester United, Liverpool, Arsenal, Tottenham og Chelsea hættu öll við þáttöku í Ofurdeildinni innan við 72 tímum eftir að deildin var tilkynnt vegna harðra mótmæla stuðningsmanna. Klúbbarnir báðust einnig afsökunar á því að hafa ætlað að taka þátt. Samkvæmt frétt The Times eru ensku félögin öll eigendur deildarinnar og þá segir einnig að það sé ekki hægt að draga sig úr deildinni.
Ensku félögin voru sektuð um 22 milljónir punda fyrr í mánuðinum og samþykktu að borga 25 milljónir punda hvert og missa 30 stig ef þau ætla að endurreisa deildina.
Florentino Perez, forseti Real Madrid og Ofurdeildarinnar, segir að klúbbarnir séu ennþá bundnir Ofurdeildinni. Barcelona, Real Madrid og Juventus hafa ekki dregið sig úr keppninni.
