Heimavöllur KA, Greifavöllurinn, var til umræðu í útvarpsþættinum Fótbolti.net á X-inu í dag. Þar var umræðan á þann veg að mun betra væri fyrir KA að spila á Dalvíkurvelli, þar sem þeir hafa leikið á tímabilinu, heldur en á eigin velli.
Greifavöllurinn hefur verið í umræðunni lengi. Hann var til að mynda harkalega gagnrýndur í fyrra. Undirlag vallarins hafði bein áhrif á knattspyrnuna leikin var á honum.
Á yfirstandandi leiktíð hefur KA ekki enn getað spilað heimaleik á Greifavellinum þar sem ástand hans er hræðilegt. Liðið hefur þess í stað spilað á Dalvíkurvelli. Sá völlur býður upp á eitt besta gervigras landsins.
,,Það er öllum til heilla að KA spili sína heimaleiki á Dalvík. Þetta er langbesti gervisgrasvöllur landsins, hef ég heyrt,“ sagði Benedikt Bóas Hinriksson í þættinum. ,,Ef þeir spila á Dalvík eru þúsund sinnum meiri líkur á að þeir verði meistarar,“ bætti hann við.
KA tekur á móti Val í Pepsi Max-deild karla klukkan 16 á morgun á Dalvíkurvelli. Tómas Þór Þórðarson segir að ef frammistaða liðsins í þeim leik verði góð sé það borðliggjandi að klára tímabilið á vellinum.
,,Ef ég væri Arnar Grétarsson, ég myndi ekki hika við að bara ,,gleymið þessum Greifavelli, byrjiði bara að stinga hann upp, búið til bílastæði mín vegna, geriði bara eitthvað til að fá gervigras þarna. Ég er ekki að fara eitt né neitt af Dalvíkurvelli. Það yrði bara stórkostlega galið.“