Kieran Tierney mun gera nýjan fimm ára samning við Arsenal á næstu dögum. Football.london greindi frá þessu í dag.

Vinstri bakvörðurinn hefur, þrátt fyrir að hafa glímt töluvert við meiðsli, verið lykilmaður hjá Arsenal frá því að hann kom til liðsins frá Celtic árið 2019 og tíðindin því afar jákvæð fyrir félagið.

Hjá Arsenal sjá menn Tierney sem framtíðarfyrirliða. Hann er talinn hafa það sem til þarf í hlutverkið. Pierre Emerick Aubameyang er fyrirliði liðsins í dag. Sjálfur hefur Mikel Arteta, stjóri Arsenal, sagt að Tierney gæti orðið fyrirliði í framtíðinni.

Það kemur einnig fram í grein football.london að Arsenal ætli sér að sækja nýjan vinstri bakvörð í sumar til að veita Tierney samkeppni.

Enski boltinn á 433 er í boði