Fjölnismenn mættu Víkingi Ólafsvík í Grafarvoginum í seinustu viku en fyrir leik voru heimamenn sigurstranglegri. Það voru þó Víkingar sem skoruðu fyrsta mark leiksins á 40. mínútu þegar Þorleifur Úlfarsson gerði ansi vel og vippaði boltanum yfir markmanninn.
Fjölnismenn gáfust ekki upp og skoruðu bæði á 93. mínútu og 95. mínútu. Stuttu eftir seinna markið fékk Guðmundur Karl Guðmundsson að líta tvö gul spjöld og þar með rautt.
„Þetta er hrikalega dýrt, ég frétti að hann hafi sagt „af hverju er það alltaf ég sem fæ gulu spjöldin“,“ sagði Hrafnkell Freyr, einn sérfræðinga Lengjumarkanna, þegar farið var yfir atvikið en Guðmundur hafði fengið fyrra gula spjaldið í fagnaðarlátunum eftir sigurmarkið. Hann virðist svo ýta í aðstoðardómarann.
„Samkvæmt öllum lögum og reglum þá er þetta bara seinna gula spjaldið, en á ekki dómarinn að hugsa „tvö mörk, menn eru ansi hátt uppi“ og sleppt þessu,“ sagði Hörður Snævar þáttarstjórnandi.
Atvikið sem um ræðir má sjá í spilaranum hér fyrir neðan.