Aaron Connolly leikmaður Brighton og einn af efnilegri piltum enska fótboltans er í sárum, ástæðan er sú að fyrrum unnusta hans ætlar að taka þátt í Love Island þáttunum sem njóta mikilla vinsælda út um allan heim.

Samband Connolly og Lucinda Strafford sem bæði eru 21 árs hefur mikið verið í fréttum á Bretlandi. Ástæðan er sú að í mars braut Connolly reglur um útgöngubann þegar hann hélt framhjá Lucinda.

Connolly fékk þá lánaða íbúð hjá liðsfélaga sínum til þess að sofa hjá annari konu, ástarlotur þeirra voru teknar upp á myndband og fóru þær svo í dreifingu. Sambandið slitnaði um stutta stund en undanfarnar vikur hafa þau eytt tíma saman.

Það fór svo allt í háaloft á nýjan leik samkvæmt enskum blöðum þegar Lucinda tjáði Connolly það að hún væri á leið á eyju ástarinnar. Lucinda var flugfreyja en missti starfið á COVID tímum.

„Hann var verulega ósáttur þegar hún sagði honum frá Love Island,“ sagði heimildarmaður The Sun í málinu.

Lucinda er með verslun í dag sem heitir The Luxe Range og horfir hún á þáttinn sem góða leið til að markaðssetja hana.

Enski boltinn á 433 er í boði