Markvörðurinn Gianluigi Buffon færist nær því að ganga aftur í raðir Parma. Hinn virti Fabrizio Romano greinir frá þessu.
Buffon hóf ferilinn hjá Parma en fór svo til Juventus, þar sem hann leikur í dag, árið 2001. Hann hefur leikið með Juventus alla tíð síðan, fyrir utan stutt stopp hjá Paris Saint-Germain frá 2018 til 2019.
Parma féll úr ítölsku Serie A á síðustu leiktíð og leikur því í næstefstu deild á komandi leiktíð.
Viðræður standa nú yfir á milli Buffon og Parma. Liðið er hans langlíklegasti áfangastaður þessa stundina.
Samkvæmt Romano fékk markvörðurinn fleiri en fimm tilboð frá öðrum liðum, þar á meðal frá tyrkneska stórliðinu Besiktas. Buffon er þó heillaður af því verkefni sem Parma er að fara í á næstunni.
Gigi Buffon is close to join Parma! He could come back to the club where he started his career 26 years ago. 🇮🇹 #Buffon
Talks ongoing – Buffon received more than five proposals, one from Besiktas too but he’s really tempted to sign for Parma with an ambitious project. 🧤 #Parma pic.twitter.com/YyWU7I3ZE2
— Fabrizio Romano (@FabrizioRomano) June 12, 2021