Manchester United þarf að reiða fram mun hærri fjárhæðir en fyrsta tilboð þeirra hljóðaði upp á, ætli þeir sér að næla í Kieran Trippier. Fabrizio Romano greinir frá.
Tilboði Man Utd upp á um 10 milljónir punda hefur verið hafnað af Atletico Madrid, sem á leikmanninn. Samkvæmt Romano vilja spænsku meistararnir fá mun meira, eða um 34 milljónir punda fyrir hann.
Það er óvíst hvort að enska félagið sé tilbúið í að reiða fram slíka upphæð í hægri bakvörðinn. Man Utd hugsar Trippier sem leikmann sem gæti veitt Aaron Wan-Bissaka samkeppni.
Það er nóg að gera á skrifstofu Manchester-liðsins. Félagið keppist um að klára kaupin á Jadon Sancho, vængmanni Dortmund.
