Romelu Lukaku, framherji Inter, hefur áhuga á að snúa aftur í ensku úrvalsdeildina. Chelsea, hans fyrrum félag, hefur þá áhuga á því að fá hann. Þetta kemur fram í Don Balon.

Timo Werner hefur ekki átt sérstakt tímabil heilt yfir frá því að hann kom til Chelsea frá RB Leipzig síðasta sumar. Hann hefur þó verið að stíga upp undanfarið og skora mörk. Þá eru Tammy Abraham og Olivier Giroud ekki taldið heillandi kostir fyrir Thomas Tuchel, stjóra liðsins, sem fyrstu kostir.

Á meðan hefur Lukaku raðað mörkunum inn á San Siro. Hann kom til Inter frá Manchester United. Þar áður hafði hann verið hjá Everton og Chelsea. Hann yrði klárlega styrking fyrir Chelsea, sem er þó að eiga mjög gott tímabil með núverandi leikmannahóp sinn. Þeir eru í þriðja sæti ensku úrvalsdeildarinnar og eru komnir í úrslitaleik Meistaradeildar Evrópu. Þar mæta þeir Manchester City.

Á dögunum kom það fram í The Sun að Lukaku kosti um 90 milljónir punda.