Íslenska karlalandsliðið í knattspyrnu fellur niður um sex sæti á nýjum lista FIFA yfir styrkleika landsliða. Situr Ísland nú í 52 sæti listans.
Íslenska landsliðið tapaði gegn Þýskalandi og Armeníu í síðasta verkefni en vann góðan sigur á Liechtenstein.
Ísland hefur ekki verið neðar á listanum frá árinu 2013 en liðið fór upp í 21 sæti listans árið 2016 en hefur síðan þá farið niður hann.
Ísland hefur ekki náð í mörg góð úrslit síðustu tvö árin og orsakar það þetta fall niður styrkleikalista FIFA:
Belgar eru á toppi listans en þar á eftir koma Frakkland og Brasilía, Englendingar sitja í fjórða sæti listans.
Efstu tíu liðin á styrkleikalistanum
Belgía
Frakkland
Brasilía
England
Portúgal
Spánn
Ítalía
Argentína
Úrúgvæ
Danmörk
