Umboðsmaður David De Gea er byrjaður að heyra í stórum félögum í Evrópu, líklegt er að spænski markvörðurinn verði til sölu í sumar. Ensk götublöð segja frá.

Það vakti athygli gegn Brighton í enska boltanum um helgina þegar Dean Henderson fékk traustið í markinu á undan De Gea. Henderson tók stöðuna á meðan De Gea fór til Spánar til að vera á staðnum við fæðingu frumburðar síns.

Henderson virðist hafa náð að festa sig í sessi í markinu og sat launahæsti leikmaður United allan tímann á bekknum um helgina.

Sagt er að De Gea sem er þrítugur sé klár í að yfirgefa United eftir tíu góð ár hjá félaginu, hann þénar 375 þúsund pund á viku sem gæti gert honum erfitt fyrir að fara. Flest félög eru að glíma við fjárhagsvandræði vegna kórónuveirunnar.

Í frétt Daily Mail segir að United muni reyna að fá 50 milljónir punda fyrir De Gea en Real Madrid, Atletico Madrid og PSG eru nefnd til sögunnar sem mögulegir áfangastaðir fyrir De Gea.

Enski boltinn á 433 er í boði