Josh Kroenke, stjórnarmaður hjá Arsenal og sonur eiganda félagsins, Stan Kroenke, sat fund með stuðningsmönnum félagsins í dag.
Kroenke útskýrði þar, ásamt öðrum stjórnarmönnum Arsenal, hvað hefði lagið á bak við þá ákvörðun að félagið samþykkti að gerast stofnaðili að Ofurdeildinni.
Útskýringar Kroenke fyrir stuðningsmönnum, lægðu ekki öldurnar og andrúmsloftið var rafmagnað á fundinum samkvæmt blaðamanni The Athletic.
„Skiljið þið ekki enska knattspyrnu? Þið eigið ekki í samskiptum við stuðningsmenn, þið hafið ekki hugmynd um hvað á sér stað hérna,“ sagði Akhil Vyas, stjórnarmaður í Arsenal Supporters Trust, stuðningsmannaklúbbnum.
Akhil, ráðlagði Kroenke feðgum, að yfirgefa félagið. Kroenke, viðurkenndi að ákvörðunin um að gerast meðlimur í Ofurdeildinni, hefði verið röng.
„Við spurðum okkur hvort yrði verra: Ofurdeild eða Ofurdeild án Arsenal. Við spurðum okkur einnig hvað stuðningsmennirnir myndu vilja. Stuðningsmenn út í heimi vilja sjá Arsenal spila sem oftast við Barcelona. Stuðningsmenn í Englandi vilja sjá fleiri stórleiki en einnig leiki á köldu kvöldi í Stoke,“ sagði Josh Kroenke á fundinum.