fbpx
Sunnudagur 06.júlí 2025
433Sport

Forsetinn mætti með boxhanskana og lét í sér heyra – „Hráka framan í andlitið á öllum“

Hörður Snævar Jónsson
Mánudaginn 19. apríl 2021 14:06

Getty Images

Ekki missa af Helstu tíðindum dagsins í pósthólfið þitt

Lesa nánar

Aleksander Ceferin forseti UEFA mætti með boxhanskana á fréttamannafund sinn í dag til að mótmæla stofnun Ofurdeildarinnar. Segja má að knattpsyrnuheimurinn nötri vegna tíðinda gærdagsins.

12 evrópsk stórlið á knattspyrnusviðinu tilkynntu seint í gærkvöldi að þau hafi tekið saman höndum um stofnun Ofurdeildar, The Super League. UEFA er alfarið á móti þessu og hótaði í gær að útiloka liðin og leikmenn þeirra frá þátttöku í öllum mótum á alþjóðasviðinu. Þá hafa knattspyrnusamböndin í Englandi, Spáni og á Ítalíu hótað að reka liðin úr deildarkeppnunum þar í landi. Markmiðið með deildinni er að til verði keppni þar sem 15 lið eiga alltaf fast sæti en árlega fái 5 önnur lið aðgang að keppninni.

Ljóst er að stofnun deildarinnar og ef hún fer í loftið verður gríðarlegt högg fyrir UEFA sem myndi missa út sín stærstu félög í Meistaradeildinni. Ceferin er sérstaklega óhress emð forráðamenn Manchester United og Juventus, hann talar um snáka og lygara.

„Ég hef séð margt á minni lífsleið sem lögfræðingur í sakamálum, ég hef aldrei séð svona fólk,“ segir Ceferin sem er sjálfur nokkuð umdeildur í sínu tsarfi.

„Ef ég byrja á Ed Woodward (Stjórnarformanni Manchester United), þá hringdi hann í mig á fimmtudag og sagðist vera mjög ánægður með öll okkar plön og að hann myndi styðja þau. Hann vildi ræða málin en hafði þá skrifað undir hitt,“ sagði Ceferin.

Hann er svo mest ósáttur með Andrea Agnelli stjórnarformann Juventus, þeir eru miklir vinir og er Ceferin guðfaðir stelpu sem Agnelli á.

„Agnelli eru mestu vonbrigðin af þessu öllu, ég hef aldrei séð neinn ljúga svona oft. Þetta er ótrúlegt.“

„Hlutirnir breytast, Juventus var í næst efstu deild á Ítalíu. Manchester United fyrir Sir Alex Ferguson, hvar var félagið þá? Aston Villa var einu sinni stórt félag, af hverju eru þau að búa þetta til? Þeim er ekki rétt stjórnað.“

Ceferin hefur svo hótað leikmönnum þessara félaga. „Þeir sem taka þátt í þessari deild munu ekki spila á EM eða HM. Við munum refsa þeim. UEFA og fótboltinn þarf að standa saman gegn þessu hræðilega verkefni. Þarna eru nokkur gráðug félög, þetta er hráka framan í andlitið á öllum þeim sem elska fótboltann og okkar samfélag. Þeir taka ekki fótboltann frá okkur.“

Stofnfélög deildarinnar eru:
Arsenal
Chelsea
Liverpool
Manchester City
Manchester United
Tottenham
Atlético Madrid
Barcelona
Real Madrid
AC Milan
Inter Milan
Juventus.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 4 klukkutímum

Ísland má ekki tapa gegn Sviss í kvöld

Ísland má ekki tapa gegn Sviss í kvöld
433Sport
Fyrir 5 klukkutímum

Besta deildin: KR tapaði gegn KA

Besta deildin: KR tapaði gegn KA
433Sport
Fyrir 6 klukkutímum

Myndband: Íslensk yfirtaka í svissnesku höfuðborginni

Myndband: Íslensk yfirtaka í svissnesku höfuðborginni
433Sport
Fyrir 6 klukkutímum

Yngsti aðalliðsleikmaður í sögu Bretlands samdi við Chelsea

Yngsti aðalliðsleikmaður í sögu Bretlands samdi við Chelsea
433Sport
Fyrir 9 klukkutímum

Máni í Sviss: „Ótrúlega góðs viti að íslenska kvennalandsliðið sé að valda þjóðinni vonbrigðum“

Máni í Sviss: „Ótrúlega góðs viti að íslenska kvennalandsliðið sé að valda þjóðinni vonbrigðum“
433Sport
Fyrir 9 klukkutímum

Ísland í nýjum og glæsilegum varabúningi í kvöld

Ísland í nýjum og glæsilegum varabúningi í kvöld
433Sport
Fyrir 12 klukkutímum

Þorsteinn útskýrir ákvörðunina – „Burt með ykkur“

Þorsteinn útskýrir ákvörðunina – „Burt með ykkur“
433Sport
Fyrir 12 klukkutímum

Bræðranna minnst fyrir leik Íslands í kvöld

Bræðranna minnst fyrir leik Íslands í kvöld