Jose Agostinho Becker faðir Alisson Becker markvarðar Liverpool fannst látinn nærri heimili sínu í fyrradag. Talið er að Jose hafi drukknað í stöðuvatni við heimilið. Fjölskyldan á sveitasetur í suður Brasilíu, húsið er staðsett í Lavras do Sul þar sem Jose ætlaði að fara og synda í. Þegar Jose skilaði sér ekki aftur í húsið hófst leit að honum, vinur hans og starfsmaður á sveitasetrinu fann hann svo í ánni.
Alisson er í sárum en í erlendum fjölmiðlum kemur fram að hann og faðir hans hafi verið bestu vinir, markvörður Liverpool á ekki tök á að mæta í útför föður síns.
Alisson hefði getað komið sér til Brasilíu en hefði þurft að fara í tíu daga sóttkví við komuna aftur til Englands, eiginkona hans er genginn tæpar 30 vikur með barn þeirra.
Samband þeirra feðga var afar náið en þeir töluðu saman í síma á hverjum degi, þegar faðir hans var á sveitasetrinu var hins vegar ekki hægt að ná í hann. Ekkert símasamband er þar sem setrið er, Jose hafði farið þangað einn og ætlaði að dvelja þar á meðan bylgja kórónuveirunnar gengur yfir Novo Hamburgo þar sem Jose bjó ásamt Magali eiginkonu sinni og móðir Alisson.
Alisson ætlar að fara til fjölskyldunnar á næstu vikum og líklega í kringum landsleiki Brasilíu þar sem hann getur ferðast og verið með fjölskyldunni, hann verður hins vegar ekki viðstaddur útförina.