Marcus Rashford framherji Manchester United mun mokgræða á nýjum samningi, ímynd hans hefur stækkað mikið síðustu mánuði eftir að hann fór að hjálpa fátækum börnum að nærast.

Rashford hefur síðustu mánuði barist við stjórnvöld í Bretlandi um að fæða börn sem alast upp við fátækt, barátta hans hefur vakið mikla athygli og Rashford fengið mikið lof fyrir. Ímynd hans er góð og fyrirtæki vilja tengjast slíkum leikmanni.

Nú mun Rashford njóta góðs af því en hann er að fara að gera nýjan samning er varðar takkaskóna sem hann spilar í. Stærstu stjörnur fótboltans græða vel á slíkjum samningum.

Samningur Rashford við Nike er að renna út í sumar og er Puma að bjóða Rashford gull og græna skó. Puma hefur verið að stækka mikið á þessum markaði síðustu mánuði.

Puma borgar Neymar 21 milljón punda á ári fyrir að klæðast skóm og fötum frá fyrirtækinu, vitað er að Nike vill halda Rashford og því getur hann notað þá samkeppni til að stækka samninginn.

Puma á einnig í viðræðum við Raheem Sterling og segja ensk blöð að fyrirtækið hafi boðið honum í kringum 10 milljónir punda á ári fyrir að leika í skóm fyrirtækisins.