Nágrannaslagurinn milli Liverpool og Everton fór fram á Anfield um helgina. Um var að ræða fyrstu viðureign liðanna síðan Jordan Pickford, markmaður Everton, tæklaði Virgil van Dijk, lykilmann Liverpool, með þeim afleiðingum að hann meiddist en hann er ennþá meiddur. Sá leikur endaði með jafntefli sem var ansi svekkjandi fyrir Liverpool-menn.

Liverpool var hins vegar í vandræðum um helgina og vann Everton að lokum 0-2 sigur þar sem Gylfi Sigurðsson skoraði seinna markið.

Gengi Liverpool hefur verið slakt síðustu vikur og liðið þarf nú að berjast fyrir því að ná Meistaradeildarsæti.

„Þetta er farið að líta illa út, við vitum af meiðslunum, við vitum að þeir hafa enga stuðningsmenn á vellinum við vitum af COVID og að það er þétt spilað. En þetta er eins fyrir alla,“ sagði Neville.

„Það eru engar breytingar hjá þeim eða aðrar hugmyndir. Þeir virðast niðurbrotnir, eins og uppvakningar á vellinum. Labba um og hugsa það sama. Kannski þarf Klopp að breyta til. Hann hefur verið ósnertanlegur hjá Liverpool og er það enn, en hann sjálfur hlýtur að íhuga aðrar aðferðir.“

„Það er ekki mitt að ráðleggja Liverpool eða Klopp hvað skal gera, kannski þarf hann að verja vörnina sína og fara í þriggja manna vörn. Við höfum séð önnur lið gera það.“