Nágrannaslagurinn milli Liverpool og Everton fór fram á Anfield í dag. Um var að ræða fyrstu viðureign liðanna síðan Jordan Pickford, markmaður Everton, tæklaði Virgil van Dijk, lykilmann Liverpool, með þeim afleiðingum að hann meiddist en hann er ennþá meiddur. Sá leikur endaði með jafntefli sem var ansi svekkjandi fyrir Liverpool-menn.

Liverpool var hins vegar í vandræðum í dag og vann Everton að lokum 0-2 sigur þar sem Gylfi Sigurðsson skoraði seinna markið.

Richarlison kom Everton yfir snemma leiks en Gylfi Þór Sigurðsson skoraði síðan annað mark Everton en markið skoraði hann úr vítaspyrnu. Gylfi byrjaði á bekknum en kom inn á þegar tæp klukkustund var liðin af leiknum. Hér fyrir neðan má sjá markið hans Gylfa.

Markið var það 28 sem Gylfi skorar fyrir Everton, 23 af 28 mörkum Gylfa hafa komið í ensku úrvalsdeildinni. Gylfi gekk í raðir Everton árið 2018. Gylfi hefur einnig lagt upp 22 mörk fyrir Everton og hefur hann því komið að 50 mörkum fyrir félagið.

Gylfi hefur spilað 141 leik fyrir Everton og kemur hann því að marki í tæplega þriðja hverjum leik sem hann spilar. Gylfi hefur spilað 10.753 mínútur fyrir Everton og kemur því að marki á 215 mínútna fresti.

Þrátt fyrir góða tölfræði hefur Gylfi mátt þola mikla gagnræýni frá blaðamönnum og stuðningsmönnum í Bítlaborginni.