Ralf Rangnick, bráðabirgðastjóri Manchester United, var himinnlifandi með sigur liðsins á Crystal Palace í dag. Þetta var fyrsti leikur Man Utd undir stjórn Rangnick.
,,Við höfðum full tök á leiknum. Ég var mjög ánægður með fyrstu 30 mínúturnar, mikill hraði og tempó,“ sagði Rangnick. ,,Ég er rosalega ánægður með þennan fyrsta leik. Við vorum þolinmóðir og áttum skilið að vinna.“
Fred skoraði eina mark leiksins með frábæru skoti á 77. mínútu. ,,Þetta var frábært mark frá Fred,“ sagði Rangnick.
,,Við vorum alltaf að reyna að sækja, meira að segja þegar við komumst yfir. Þetta var það sem ég vildi sjá í dag.“
,,Leikmenn fundu á vellinum að þeir hefðu stjórn á leiknum, ólíkt mörgum öðrum leikjum sem þeir hafa spilað.“
Enski boltinn á 433 er í boði 
