Samkvæmt breska götublaðinu The Sun hefur Manchester United áhuga á John McGinn, miðjumanni Aston Villa.
Ralf Rangnick er nýtekinn við sem knattspyrnustjóri Man Utd. Hann er sagður mikill aðdáandi hins 27 ára gamla McGinn.
Skotinn hefur komið að fjórum mörkum í þrettán leikjum í ensku úrvalsdeildinni á þessari leiktíð.
Man Utd vill sækja miðjumann í janúar. Samningar þeirra Paul Pogba og Jesse Lingard renna út næsta sumar og er ekki útlit fyrir að þeir verð framlengdir.
Hinn 28 ára gamli Pogba kom frá Juventus til Man Utd sumarið 2016 fyrir 89 milljónir punda. Það er ljóst að mörk af stærstu félögum Evrópu verða á höttunum á eftir honum næsta sumar, skrifi hann ekki undir nýjan samning í Manchester.
Enski boltinn á 433 er í boði 
