Dortmund tók á móti Bayern Munchen í sannkölluðum stórleik í þýska boltanum. Bayern hafði betur í fjörugum leik.
Leikurinn byrjaði af krafti en Julian Brandt kom Dortmund yfir strax á 5. mínútu. Gestirnir voru þó ekki lengi að svara en Lewandowski jafnaði metin aðeins fjórum mínútum síðar. Kingsley Coman kom Bayern svo yfir á lokamínútu fyrri hálfleiks.
Gamanið hélt áfram í seinni hálfleik en Erling Braut Haaland jafnaði í byrjun seinni. Næst dró til tíðinda á 76. mínútu er gestirnir fengu vítaspyrnu sem Lewandowski skoraði úr. Þá fékk Marco Rose sitt annað gula spjald og þar með rautt sem gerði heimamönnum erfitt fyrir. Lengra komst Dortmund ekki og Bayern tekur stigin þrjú.
Bayern er í toppsætinu 34 stig en Dortmund í 2. sæti með 30 stig.
Dortmund 2 – 3 Bayern Munchen
1-0 Julian Brandt (´5)
1-1 Robert Lewandowski (´9)
1-2 Kingsley Coman (´44)
2-2 Erling Braut Haaland (´48)
2-3 Robert Lewandowski (´77)
