West Ham hefur áhuga á því að kaupa Nathaniel Phillips varnarmann Liverpool nú í janúar. David Moyes leitar að varnarmanni eftir að Angelo Ogbonna meiddist alvarlega.
Phillips kom nokkuð sterkur inn í vörn Liverpool á síðustu leiktíð en á þessari leiktíð er þessi varnarmaður sá fimmti í röðinni hjá Jurgen KLopp þessa stundina.
Phillips fékk tækifæri þegar Virgil van Dijk var meiddur og nýtti það vel, sökum þess vill Moyes fá hann í raðir Hamranna í janúar.
Phillips hefur sterka tengingu til Íslands en hingað hefur hann komið, faðir hans Jimmy Philips lék með Guðna Bergssyni hjá Bolton. Þeir voru liðsfélagar í sex ár og voru miklir vinir.
Guðni er guðfaðir Phillips sem fæddist árið 1997, þegar Jimmy og Guðni léku saman hjá Bolton. Jimmy hefur stýrt unglingastarfi Bolton síðustu ár.
Phillips gekk í raðir Liverpool frá Bolton árið 2016 en gæti nú fært sig yfir til Lundúna.