Fimm leikjum er nýlokið í þýsku Bundesligunni. Nóg af mörkum litu dagsins ljós.

Dortmund vann Wolfsburg 1-3. Wout Weghorst kom Wolfsburg yfir snemma leiks. Emre Can jafnaði með marki úr vítaspyrnu á 35. mínútu. Í seinni hálfleik skoruðu svo Donyell Malen og Erling Braut Haaland. Norðmaðurinn kom stuttu áður inn á sem varamaður. Hann hefur verið meiddur undanfarið.

Dortmund er á toppi deildarinnar með 30 stig, 2 stigum á undan Bayern sem á þó leik til góða gegn Arminia Bielefeld síðar í dag.

Augsburg gerði 1-1 jafntefli við Hertha Berlin. Alfreð Finnbogason var ekki með Augsburg í leiknum vegna meiðsla. Marco Richter skoraði mark Hertha en Michael Gregoritsch jafnaði fyrir Augsburg seint í uppbótartíma.

Augsburg er í sextánda sæti deildarinnar með 12 stig.

Í hinum leikjum dagsins vann Hoffenheim magnaðan 3-6 útisigur á Greuther Furth, Bochum vann Freiburg 2-1 og Köln vann Borussia Monchengladbach 4-1.