Víkingur hefur staðfest kaup sín á tveimur leikmönnum Breiðabliks. Víkingur varð Íslands og bikarmeistari á síðustu leiktíð.
Karl Friðleifur Gunnarsson bakvörður kemur til liðsins frá Breiðablik en hann var á láni hjá Víkingum á síðustu leiktíð.
Blikar settu klásúlu í samninginn og fá hluta af kaupverðinu ef bakvörðurinn ungi verður seldur í atvinnumennsku.
Davíð Örn Atlason er einnig mættur aftur heim eftir erfitt ár hjá Blikum. Breiðablik borgaði háa upphæð fyrir Davíð fyrir ári síðan.
Hann kom hins vegar meiddur til félagsins og náði ekki neinum takti í Kópavogi, ári síðar er hann mætur heim í Víkina.
Davíð er einnig bakvörður en getur leyst fleiri stöður. Víkingur styrkt lið sitt nokkuð í haust en félagið hafði áður samið við Kyle McLagan, Arnór Borg Guðjohnsen og Birni Snæ Ingason.
