Verið er að hreinsa allt myndefni með Ole Gunnar Solskjær af Old Trafford eftir að norski stjórinn var rekinn úr starfi.

Solskjær var rekinn á síðasta sunnudag eftir tap gegn Watford en gengi liðsins hafði verið slakt undanfarnar vikur.

Norski stjórinn sem er goðsögn hjá félaginu var meðvitaður um að árangurinn var ekki nógu góður og þakkaði fyrir sig.

Verkamenn voru í gær mættir að fjarlæga stóra mynd sem var af Solskjær á heimavelli félagsins. Michael Carrick stýrir nú United tímabundið.

Forráðamenn United vilja helst fá Mauricio Pochettino til að taka við liðinu en líklegt er að PSG hleypi honum ekki fyrr en í sumar. Þannig gæti félagið farið í stjóra sem verður aðeins ráðinn fram á sumar.