Ralf Rangnick verður knattspyrnustjóri Manchester United út þessa leiktíð. Þetta fullyrðir hinn virti David Ornstein hjá The Athletic.
Þessi 63 ára gamli þjálfari kmur frá Lokomotiv Moskvu þar sem hann hefur verið yfirmaður fótboltamála.
Samkomulag við Rangnick er í höfn samkvæmt The Athletic. Hann bíður nú eftir atvinnuleyfi og verður ekki stjóri United gegn Chelsea á laugardag.
Rangnick verður þjálfari liðsins í sex mánuði en hann verður svo ráðgjafi hjá félaginu til tveggja ára.
Rangnick tekur við af Ole Gunnar Solskjær en United stefnir á að ráða Mauricio Pochettino frá PSG næsta sumar.
Rangnick var áður þjálfari Hannover, Schalke, Hoffenheim og RB Leipzig. Hann hefur sterka hugmyndafræði þegar kemur að fótbolta og hefur lengi verið orðaður við Manchester United.
