Eiður Smári Guðjohnsen lætur af störfum sem aðstoðarþjálfari A-landsliðs karla þann 1 desember. Tengist það gleðskap þar sem sambandið hafði boðið upp á áfengi eftir leik. Er hann annar þjálfarinn hjá KSÍ á inann við ári sem hættir eftir að áfengi var haft um hönd í verkefni sambandsins.
Fyrir tæpu ári síðan hætti Jón Þór Hauksson sem þjálfari A-landsliðs kvenna. Hafði liðið þá komið sér inn á Evrópumótið í Ungverjalandi. Knattspyrnusambandið bauð þá í glas eftir frábært afrek landsliðsins en eitthvað fór úr böndunum. Var Jóni gert að hætta skömmu síðar.
Meira:
KSÍ búið að taka ákvörðun um að reka Jón Þór áður en fundað er
Á milli þessara atvika hafa komið upp mörg önnur erfið mál sem sambandið hefur átt í vandræðum með að leysa. Leikmenn landsliðsins hafa verið sakaðir um ofbeldi og kynferðisbrot.
Meira:
Endalok Eiðs Smára hjá KSÍ tengjast gleðskap sem sambandið bauð til
Í kringum þau mál hætti Guðni Bergsson sem formaður KSÍ og stjórnin sagði af sér á sama tíma. Ljóst er að kastljósið er aftur komið á sambandið eftir nokkuð rólegar vikur.