Cristiano Ronaldo framherji Manchester United sér á eftir Ole Gunnar Solskjær og segir hann frábæra manneskju. Solskjær var rekinn úr starfi knattspyrnustjóra í gær.
Solskjær fékk Ronaldo aftur til United í sumar en þeir höfðu spilað saman hjá félaginu og áttu gott samband.
„Hann var framherji minn þegar ég kom fyrst á Old Trafford og hann hefur verið þjálfari minn frá því að ég snéri aftur til Manchester United,“ skrifar Ronaldo á Twitter.
Ronaldo segir að Solskjær sé frábær manneskja og að eftirsjá verði af honum.
„Fyrst og síðast er Ole mögnuð manneskja. Ég óska honum alls hins besta í því sem hann tekur sér fyrir hendur í lífinu.“
He’s been my striker when I first came to Old Trafford and he’s been my coach since I came back to Man. United. But most of all, Ole is an outstanding human being. I wish him the best in whatever his life has reserved for him.
Good luck, my friend!
You deserve it! pic.twitter.com/pdm7RXr2RX— Cristiano Ronaldo (@Cristiano) November 22, 2021