Harry Maguire fyrirliði Manchester United lét reka sig af velli í 4-1 tapi gegn Watford á laugardag, Ole Gunnar Solskjær stjóri liðsins var rekinn eftir leik.
Maguire var ekki lengi að jafna sig því nokkrum klukkustundum síðar var hann mættur til Sheffield til að gleðjast með fjölskyldunni.
Faðir Maguire fagnaði afmæli sínu á laugardag og var fyrirliði Manchester United mættur í gleðskap.
Fjölskyldan hittist á Beju veitingastað í Sheffield en fjölskyldan er frá þeirri borg. Hefur Maguire verið gagnrýndur fyrir þetta.
Maguire hefur verið mjög slakur með United síðustu vikur og hafa fjölmargir stuðningsmenn félagsins gagnrýnt hann.