Ísland tapaði gegn Norður-Makedóníu í lokaleik sínum í undankeppni HM 2022 í dag. Leikið var ytra. Hér neðar má sjá brot af því besta sem boðið var upp á á Twitter yfir leiknum.
Heimamenn byrjuðu leikinn betur og komust yfir strax á 7. mínútu. Þá skoraði Ezgjan Alioski með frábæru skoti úr þröngri stöðu.
Heimamenn voru mun hættulegri eftir markið á meðan íslenska liðið komst ekkert áleiðis fram völlinn.
Milan Ristovski fékk dauðafæri til að koma heimamönnum í 2-0 eftir tæpan hálftíma leik en Elías Rafn Ólafsson sá við honum í marki Íslands.
Íslenska liðið færði sig aðeins framar á völlinn þegar leið á fyrri hálfleikinn en var í vandræðum með að skapa sér færi.
Ísland var stálheppið með að lenda ekki tveimur mörkum undir á 40. mínútu. Þá kom Darko Churlinov boltanum í netið. Hann var hins vegar dæmur rangstæður. Atvikið var skoðað með hjálp myndbandsdómgæslu. Þó er alls ekki víst að dómurinn hafi verið réttur þegar atvikið er skoðað.
Staðan í hálfleik var 1-0 fyrir heimamenn sem höfðu verið mikið betri.
Það var allt annað að sjá íslenska liðið sem kom út í seinni hálfleik. Jón Dagur Þorsteinsson jafnaði metin á 55. mínútu. Ísak Bergmann Jóhannesson átti þá langa sendingu fram völlinn sem Brynjar Ingi Bjarnason skallaði á Jón Dag sem skoraði.
Ísland var þó rifið aftur niður á jörðina aftur rúmum tíu mínútum síðar. Eftir klafs á teig Íslands tókst liðinu ekki að koma boltanum frá. Það endaði með því að Eljif Elmas skoraði. Staðan orðin 2-1. Í kjölfarið tóku N-Makedónar aftur yfir leikinn.
Vond staða varð verri fyrir Ísland á 79. mínútu þegar Ísak Bergmann fékk sitt annað gula spjald og þar með rautt fyrir að stöðva Elmas er hann var að komast framhjá honum. Réttur dómur.
Elmas innsiglaði 3-1 sigur N-Makedóna á 88. mínútu með góðri afgreiðslu.
Heimamenn eru á leið í umspil um sóti í lokakeppni HM í Katar. Ísland hafnar í fimmta sæti riðilsins.
Vondri undankeppni HM loks lokið. Uppskeran rýr og erfið utan sem innan vallar. Ungir strákar að stíga sín fyrstu skref og nú þurfa menn og konur að sýna þolinmæði. Mun taka einhver ár að byggja aftur upp gott lið.
— Guðmundur Hilmarsson (@GummiHilmars) November 14, 2021
Arnar Þór að rokka Makedónut. Nei ég segi bara svona #fotboltinet
— Árni Jóhannsson (@arnijo) November 14, 2021
Við getum ekkert
— Þórarinn Ásgeirsson (@ActionRed) November 14, 2021
Birkir Bjarnason er orðinn leikjahæstur frá upphafi. Til hamingju með það, magnaður gæi. Þetta er uppáhalds myndin mín af þeim fjölmörgu sem ég hef tekið af honum. Þarna leiðir hann Lionel Messi eins og lítið barn á HM í Rússlandi. #fotboltinet pic.twitter.com/SyJNC5OT7q
— Hafliði Breiðfjörð (@haflidib) November 14, 2021
Lélegur VAR teiknari bjargaði Elíasi þarna.
— Hörður S Jónsson (@hoddi23) November 14, 2021
Djöfull var þetta mikill klaufaskapur.
Koma svo boys, fyrir Ísland OG fyrir Rúmeníu!!— Vilhelm Neto (@VilhelmNeto) November 14, 2021
Eru gæðin í þessu liði hja okkur svona svakalega lítil? Menn sparka bara boltanum útaf yfir minnstu pressu #fotboltinet
— haukur🇮🇸 (@haukurs01) November 14, 2021
Áhugavert. pic.twitter.com/Pov2nU8SIQ
— Tryggvi Páll (@tryggvipall) November 14, 2021
Djöfull er Elmasinn samt nettur
— Hrafnkell Freyr Ágústsson (@hrafnkellfreyr) November 14, 2021
Nú þurfum við bara að keyra upp geðveikina.
— Vilhjálmur Freyr (@Vilhjalmurfreyr) November 14, 2021