Guðmann Þórisson er genginn í raðir Kórdrengja eftir tvö ár hjá FH. Félagið staðfestir þetta.
Hinn 34 ára gamli Guðmann hafði áður verið hjá FH frá 2012 til 2016. Þá vann hann tvo Íslandsmeistaratitla. Frá 2016 til 2019 var hann á mála hjá KA.
,,Guðmann er öllum knattspyrnuáhugamönnum vel kunnugur enda hefur hann spilað 290 leiki í efstu og næst efstu deild og tugi leikja í Noregi og Svíþjóð, þar að auki einn landsleik. Guðmann kemur til Kórdrengja frá FH þar sem hann hefur tvívegis orðið íslandsmeistari. Guðmann hafði úr nokkrum tilboðum að velja, bæði úr efstu og næst efstu deild en urðu Kórdrengir fyrir valinu,“ segir í fréttaskýringu Kórdrengja.
,,Mér leyst langbest á að koma hingað og fá að taka þátt í þessu ævintýri sem hér hefur verið í gangi, metnaðurinn heillaði mig mikið,“ sagði Guðmann við heimasíðu félagsins.
Þá framlengdu Kórdrengir samningum þeirra Arnleifs Hjörleifssonar, Fatai Adebowale, Gunnlaugs Fannars Guðmundssonar, Hákons Inga Einarssonar, Leonards Sigurðssonar, Loic Ondo, Magnúsar Andra Ólafssonar, Nathan Dale og Þóris Rafns Þórissonar.
Fréttaskýringu félagsins má sjá í heild sinni hér fyrir neðan.
