fbpx
Föstudagur 03.febrúar 2023
433Sport

Undankeppni HM: Markalaust í Rúmeníu – Rúmenar þurfa að treysta á Ísland í næstu umferð

Helgi Sigurðsson
Fimmtudaginn 11. nóvember 2021 21:36

Sveinn Aron í leik með íslenska landsliðinu Mynd/EPA

Ekki missa af Helstu tíðindum dagsins í pósthólfið þitt

Lesa nánar

Rúmenía og Ísland gerðu markalaust jafntefli í undankeppni HM karla 2022 í kvöld. Leikið var ytra.

Ísland byrjaði leikinn betur og var meira með boltann. Það vantaði þó upp á færasköpun á köflum í fyrri hálfleik.

Besta færi fyrri hálfleiks fékk Brynjar Ingi Bjarnason þegar boltinn barst fyrir fætur hans eftir hornspyrnu. Hann skaut hins vegar yfir af stuttu færi.

Rúmenar tóku aðeins við sér þegar leið á fyrri hálfleik. Hætta skapaðist nokkrum sinnum fyrir framan mark Íslands eftir hornspyrnur. Besta færi Rúmena í hálfleiknum kom eftir eina slíka. Þá fór boltinn af Alin Tosca og yfir mark Íslands.

Íslenska liðið gerði sig þó líklegt til að skora í tvígang undir lok fyrri hálfleiks. Fyrst gerði Albert Guðmundsson virkilega vel áður en hann átti skot framhjá marki heimamanna rétt fyrir framan vítateigslínu. Birkir Bjarnason fékk svo afbragðs færi stuttu síðar inn á teig Rúmena en Tosca kom til bjargar.

Staðan í hálfleik var markalaus. Frammistaða íslenska liðsins í hálfleiknum var heilt fyrir góð og hefði það hæglega getað farið með forystu inn í leikhlé.

Seinni hálfleikur var fremur rólegur. Þegar leið á hann færðu Rúmenar sig framar á völlinn, enda að meira að keppa fyrir þá en Ísland. Ianis Hagi komst langnæst því að skora fyrir þá á 85. mínútu þegar skot hans fyrir utan teig fór í innanverða stöngina á marki Íslands.

Inn vildi þó boltinn ekki, lokatölur 0-0 í Rúmeníu.

Úrslitin þýða að Rúmenía er í þriðja sæti, stigi á eftir Norður-Makedóníu sem er í umspilssætinu fyrir lokaumferðina. Rúmenía mætir Liechtenstein í lokaumferðinni á meðan Norður-Makedónía mætir Íslandi.

Ísland er í fimmta sæti en gæti endað í fjórða sæti riðilsins með sigri gegn Norður-Madedónum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 20 klukkutímum

Málin gegn Greenwood látin niður falla

Málin gegn Greenwood látin niður falla
433Sport
Fyrir 20 klukkutímum

Sabitzer formlega kynntur til leiks hjá Manchester United og númer hans opinberað

Sabitzer formlega kynntur til leiks hjá Manchester United og númer hans opinberað
433Sport
Fyrir 23 klukkutímum

Heiðdís búin að skrifa undir samning hjá Basel

Heiðdís búin að skrifa undir samning hjá Basel
433Sport
Fyrir 23 klukkutímum

Jesus gefur í skyn hvenær hann gæti snúið aftur með nýrri mynd

Jesus gefur í skyn hvenær hann gæti snúið aftur með nýrri mynd
433Sport
Í gær

Kveðst hafa nýtt hlutverk fyrir Sancho sem var að snúa aftur

Kveðst hafa nýtt hlutverk fyrir Sancho sem var að snúa aftur
433Sport
Í gær

Manchester United í úrslitaleik deildarbikarsins

Manchester United í úrslitaleik deildarbikarsins