Bernd Leno hefur misst byrjunarliðssætið sitt hjá Arsenal til Aaron Ramsdale. Það er þó óhætt að segja að eiginkona hans standi þétt við bakið á honum.
Ramsdale kom til Arsenal frá Sheffield United í lok félagaskiptagluggans í sumar. Englendingurinn hefur verið frábær í sínum fyrstu leikjum fyrir Norður-Lundúnafélagið.
Eiginkona Leno, Sophie Cristin, er þó enn traustur stuðningsmaður Þjóðverjans.
Hún var mætt á leik Arsenal og Leeds í enska deildabikarnum í gær. Þar fékk Leno tækifærið í 2-0 sigri. Varamarkmenn fá gjarnan tækifæri í keppninni.
,,Minn númer 1. Með besta hjartað. Ég verð að eilífu stoltasta eiginkonan,“ skrifaði Cristin á Instagram við myndband sem hún birti af Leno þar sem hann gaf stuðningsmanni treyju sína.
Leno kom til Arsenal árið 2018. Hann hafði meira og minna verið byrjunarliðsmaður síðan þá, þar til Ramsdale mætti á svæðið.
Samningur þess 29 ára gamla Þjóðverja rennur út árið 2023. Það verður þó að teljast líklegt að hann horfi sér til hreyfings næsta sumar, verði staða hans hjá Arsenal sú sama þá og hún er í dag.
Enski boltinn á 433 er í boði 
