Hinn 20 ára gamli Dan Barden, markvörður enska úrvalsdeildarliðsins Norwich City, hefur verið greindur með krabbamein í eista.

Barden hefur verið á láni hjá skoska úrvalsdeildarliðinu Livingston á tímabilinu en hann mun nú taka sér hlé frá knattspyrnuiðkun, undirgangast læknismeðferð og einbeita sér að því að ná fullum bata.

Ekki er langt síðan greint var frá því að annar leikmaður á Englandi, David Brooks, hefði greinst með krabbamein.

,,Þetta hefur verið erfiður og krefjandi tími, en stuðningur fjölskyldu, vina og kollega hefur hjálpað mér að komast í gegnum síðustu vikur,“ segir Barden í viðtali sem birtist á heimasíðu Norwich.

„Ég er bjartsýnn og er fullviss um að ég muni sigrast á þessari áskorun og að geti snúið aftur á knattspyrnuvöllinn að gera það sem ég elska mest,“ segir Dan Barden, markvörður Norwich City.

Enski boltinn á 433 er í boði