Óhugnanlegt atvik átti sér stað í gær í leik Newcastle United og Tottenham í ensku úrvalsdeildinni þegar að stuðningsmaður hneig niður. Snörp viðbrögð leikmanna beggja liða og sjúkrateymis Newcastle björguðu mannslífi.
Eric Dier, leikmaður Tottenham, hrósaði sjúkraliði Newcastle United eftir leik liðanna í gær en Dier tók eftir því að ekki var allt með felldu í stúkunnu, hljóp til sjúkrateymis Newcastle og lét þá vita af því að stuðingsmaður þyrfti læknisaðstoð.
,,Þegar að ég labbaði að hornfánanum á vellinum tókum við eftir því að eitthvað var að eiga sér stað í stúkuni. Stuðningsmenn gerðu okkur ljóst að eitthvað væri á seiði,“ sagði Eric Dier, varnarmaður Tottenham, eftir leikinn í gær.
Paul Catterson, læknir í teymi Newcastle, hljóp þvert yfir völlinn með hjartastuðtæki og náði, ásamt lækni sem var staddur í stúkunni að horfa á leikinn, að koma viðkomandi stuðningsmanni í stöðugt ástand.
„Viðbrögðin voru fullkomin hjá öllum hlutaðeigandi. Læknateymið á allt hrós skilið, maður vill aldrei upplifa svona atvik en knattspyrnuleikvangur er einn öruggasti staðurinn fyrir einhvað svona til að gerast. Viðbragðið er svo snöggt og það eru læknar víðs vegar á vellinum,“ sagði Dier í viðtali eftir leikinn í gær.
Leikurinn var stöðvaður í 20 mín og stuðningsmaðurinn var síðan fluttur á sjúkrahús í stöðugu ástandi.