Framherjinn Demba Ba, sem gerði á sínum tíma garðinn frægann í ensku úrvalsdeildinni með liðum á borð við Newcastle United, Chelsea og West Ham, var í ítarlegu viðtali hjá The Athletic á dögunum.

Þar greindi leikmaðurinn frá skemmtilegri sögu sem tendgist félagsskiptum hans frá þýska liðinu Hoffenheim til West Ham.

Það stóð til að Demba Ba myndi semja við Stoke City en hann féll á læknisskoðun þar og forráðamenn West Ham ákváðu þá að reyna fá framherjann stæðilega til Lundúna.  Þeir vildu hins vegar ekki láta fréttast að leikmaðurinn væri á leið á æfingasvæði félagsins.

,,Þeir vildu ekki að fjölmiðlar myndu komast að þessu,“ segir Demba Ba í viðtali við The Athletic. Forráðamenn félagsins skipuðu honum að fá vin sinn til að smygla honum inn á æfingasvæðið og framhjá blaðamönnum sem þar voru staddir.

Demba Ba kom sér fyrir í skottinu á bifreið vinar síns. „Þetta var ekki stærsta skott sem ég hef séð, ég var sífellt að reka höfuðið í,“ sagði Demba Ba. Þessi leyniför heppnaðist og Demba Ba skrifaði undir samning hjá West Ham. Hann spilaði 13 leiki fyrir félagið og skoraði 7 mörk.

Enski boltinn á 433 er í boði